Isa lamang ang proyektong ito sa mga proyektong pinangunahan ng City Social Welfare and Development Office (CSWDO) sa nagdaang mga linggo.

Sa nasabing proyekto, nagkaroon ng iba’t ibang libreng serbisyo para sa mga kababaihan gaya ng masahe, manicure/pedicure, haircut, make-up, at iba pang uri ng makeover.

Hangarin nitong lalo pang palakasin o i-empower ang mga kababaihan, gayundin ay pataasin ang kumpiyansang mayroon sila sa kanilang mga sarili.

Ayon pa sa CSWDO, isang paraan din ito upang maiparamdam sa mga kababaihan, lalo na sa mga ina, ang pagpapahalaga sa kanila. Sa pamamagitan nito ay nabigyan sila ng munting pagkakataon, hindi lang para makapag-ayos at magpaganda kundi pati na rin ang makapagpahinga mula sa mga gawaing mayroon sila sa kani-kaniyang mga tahanan.